ألبست عائلة أردنية طبق الحلوى التقليدي "الكنافة" ثوبا جديدا بعد أن غيرت شكله وقدمته مشويا على "السيخ" بدلا من طريقة الخَبْز المعروفة.
استلهمت الشقيقات الست وزوج إحداهن الفكرة التركية الأصل، وقرروا تنفيذها في عمان وتقديم الكنافة بشكل مختلف للعملاء خارج المنزل.
قالت أسيل عواد (29 عاما) "الكنافة هي معروفة دائما إلي بالصحن إلي هي بيسموها بالعادة الكنافة النابلسية.. هلا اجتنا هاي الفكرة كنوع من التغيير.. هلا أكيد ما بتطلع عن العادات والتقاليد إلي إحنا تعودنا عليها بالعادة هلا إجتنا هاي الفكرة هي طبعا فكرة تركية.. حبينا نيجي نطبقها هون في أثناء فترة الكورونا كنوع من التغيير هلا في ناس كتير تقبلتها وفي ناس بتقول لك لا انه هاد نوع غلط كيف يعني بتغيروا هاي الإشي بس بالعكس يعني هو كان إشي كتير حلو".
تُصنع الكنافة من خيوط عجين غير مجدولة تشبه الشعر المنسدل ويتم تشكيلها على هيئة فطيرة، ثم تُحشى بالمكسرات، وما شابهها، وتُخبز في الفرن. بعد ذلك يوضع فوقها شراب حلو تمتصه عبر مسامها.
أثار التغيير غير المألوف لواحد من أشهر الأطباق في الأردن مشاعر متباينة.
عارض زبون يدعى سامر الحموز مجرد التفكير في تغيير طريقة تحضير الكنافة، وقال إنه لا ينبغي إدخال تعديلات على الوجبات ذات الأهمية التراثية.
وأوضح " التغيير مش في مكانه أصلا آه لانه الأصل أصل يعني الأصل ما بتغير.. فهادي هيك طعمها أصلي وال أصل تبعها من يوم الأجداد والآباء وليومنا إحنا متعودين على نفس الطعم هاد لو صار فيها تغيير ما حدا راح يوكلها أصلا".
لكن زبونا آخر يدعى صالح الزعبي له رأي مختلف.
يقول الزعبي" يعني هيك إشي وهاي إشي.. يعني صحن الكنافة المتعارف عليه أكلة تقليدية وحلو تقليدي.. هادا إشي جديد خلينا نجربه ومع إنه الشباب يطلعوا على مشروع جديد إشي زي هيك يعني كنا بنسافر نطلع على تركيا بنشوف مثلا الكستنا (الكستناء) بنشوف أشياء غريبة وبنحكي ياله بدنا نطلع نوكل منها.. حلو الفكرة كتير وأنا مع هاد الاشي".
ويضيف أن الكنافة الجديدة "زاكية (لذيذة) كتير.. آه وحلوة إنها بالشارع وعلى الواقف وسخنة وبالأجواء هاي الب اردة كتير زاكية".
ويتحدث وائل المناصير الذي يعمل في تحضير الكنافة على الفحم عن التجربة الجديدة.
يقول تجهيزها طبعا إحنا هون في إطلالة قعدة خارجية مفتوحة مطلة على الضفة الغربية يرتادها ناس كثير من عمان الغريبة ومن كل المناطق بيحبوا القعدة المفتوحة بيحبوا يأكلوا إشي حلو زي الكنافة على الفحم بشربوا مشروبات ساخنة باردة".
ولا تزال الكنافة من أكثر أنواع الحلوى شعبية في الشرق الأوسط، ويزيد الإقبال عليها في شهر رمضان المبارك واحتفالات العيد.